x
OBRIGADO DA TUA VISITA !! Agardo que gostes do contido

24_03

Carolo ó espello


Carolo ò espello



O mais parecido a un pinguin (con licenza do resto dos Araos) que temos por aquí.

Son os Carolos, ou Araos Carolos (Alca torda en castelán) unhas aves mariñas da familia dos Álcidos que desenrolan a súa actividade vital en mar aberto, aínda que algúns dos seus mosiños tamén se poden achegar ás costas entre os meses de Outubro a Marzo.

Ése debeu ser o caso do exemplar de hoxe, o cal non ostentaba as lucidas e elegantes cores branca e negra do seu curioso peteiro, aínda que no que a mín respeita non lle quita nadiña da súa fermosura, sobre todo cando o podes desfrutar tan preto, pois aínda que o detectei algo lonxe mentres él andaba peneirando as contornas dun grupo de Cóns polo Sur de Carreirón.

Unha vez que nos achegamos ó lugar, foi él o que, sen demostrar ningun medo, púxose a faenar case á beira da mallante, a escasos cinco metros do Retratista Repunantiño.

Debido á atrevida insolencia deste rapaz fun quén de performar as fotos que subo nesta entrada, cousa obrigada atendendo á calidade dos retratos que traía baixo o brazo ao emerxer, pois éche a primeira vez en tódolos anos que levo facendo fotos por Carreirón que se nos brinda a ocasión de observar tan preto as evolucións dunha destas aves que tan celosas son do seu espacio de seguridade.

...Sabiamente, debo engadir.



Galería de imaxes:



Nalgunhas destas imaxes pódese apreciar que a arte de pesca tradicional que practican é a do "espello", 😉 afuciñando a cabesa na auga pra mirar si pasa por debaixo algún incauto peixiño que acomodar na coviña do bandullo, chumpando coma letales torpedos e buceando lixeiros coma os mesmísimos peixes, có seu perfeito "fuselaxe" hidrodinámico, que como dixen ó empezar, é moi semexante ó dun pinguin, pero cun "chasis" con mais prestacións, pois os nosos poden voar, cousa que os do Antártico non...

Aínda que, 🤔 agora que reparo, non lle vín a francada por ningún lado...

Outro agasallo de Carreirón...